電腦 J 手記
中美科技戰其中一個影響，是有關科技報導在國內引起極大迴響。中國遊客大量減少影響之下；海洋公園入口冷冷清清，Google在萬豪酒店舉行Google Cloud Summit，，雖然起步雖遲；GCP仍然吸引超過1200聽眾入場，但Google係Kubernetes最大源碼貢獻者，容器技術大熱，所以以多雲部署及Cloud Run為主，幾乎每家雲商，甚至IBM以至VMware都係同一話題，Kubernetes名詞亂飛，唔知道有幾多人聽得明。
Kubernetes生態演進極快，企業不可能自行管理，所以有關Kubernetes託管服務應運而生，從雲商以至VMware都推出類似托管服務，相信人係一條大財路。現場所見唔少集成商都係提供類以服務，不過現場竟然發現一家叫Webeye集成商，係中國南京公司，竟然係Google Premier Partner。雖然話，中國與Google仍有唔少問題，但技術無國界，其實中國開發人員亦係Google人工智能最大源碼貢獻者，所以仍有研發中心在內地。
雲商競爭劇烈，Thomas Kurian上任之後，宣佈GCP收入已從2018年初40億美元，增長到今年80億美元，非常誇張，反映雲端服務需求強勁，Kurian集中開發企業市場，有關收購Nutanix的講法不絕如縷。
從2016到2018年，Google宣佈花在Capex投資達到470億美元，目前已經有20區域。
好少人留意，容器技術亦會大量應用在5G，5G應用大量軟件定義技術，所以管理Kubernetes嘅CNCF，華為係創會會員，軟件發展商及IT廠商都在開發兼容器，本版特約作者Andy Leung近期就在凖備cSRX Container Firewall訓練，即係容器化嘅SRX防火牆。豬扒有大批用戶係電訊營運商，急於支援容器。
GKE可以部署在現場運行Kubernetes，GCP亦好適合部署IoT或工業自動化。講起IoT，比較少人留意，即將上市嘅WeWork利用大量IoT技術，管理及監察辦公室，自動化營運，連咖啡機亦連接雲端。據聞WeWork虧損過大，上市估值不理想，最大股東軟庫正叫停上市計畫。傳聞創辨人Adam Neumann預先沽出股份，套現7億美元；假如上唔到市，唔知點收科？
雖然話，Uber開業5年，爭議不斷，不過仍然經營至今，據今年4月調查，接近7成半受訪者認為Uber應該合法化，據Uber公佈嘅數字，5年深夜時份共接載過三百二十萬次，但本港的士業，每月平均接載次數達二百七十萬次；Uber佔市場份額唔算太驚人。
不過據報5年來Uber曾將650件失物送回乘客手中，每年有超過100位乘客遺留物品車上，坐Uber就幾乎一定可以搵番。雖然話Uber Flash推出時曾一度撻Q，不過仍然繼續配對UberX及的士，並且有八五折優惠。