中國與美國的貿易爭端，演變成科技戰爭。中國自主芯片研發亦引起討論，而中國積極發展開源晶片架構RISC-V，先後成立了中國RISC-V產業聯盟（China RISC-V Industry Consortium）和上海市RISC-V專業委員會，上月，阿里屬下的平頭哥發佈玄鐵910（XuanTie910）RISC-V處理器。
如果瀏覽一下RISC-V基金會網頁，就發現275名會員包括了所有IT產業的巨頭，近期中國大量入口芯片，努力自主發展芯片，更有無限遐想。
儘管話RISC-V前景無限，中期內仍只能作為輔助性處理器，不過最令RISC-V吸引就係開源。RISC-V在加大柏克萊分校出現，而RISC-V指令架構則以開源Berkeley Software Distribution（BSD）方式授權，BSD以往係指開放源碼UNIX系統，唔少作系統都同BSD有關。BSD開放所有設計細節，只要知會加大柏克萊分校就可使用。不同於Linux的GNU License，BSD License增量設計或自主設計，並不需同時開源。
BSD初創可利用RISC-V開發產品原型，授權亦容許源碼不斷調整延伸，亦沒有專利風險，可開發出特殊用途處理器。
一般處理器必須有軟件及支援應用嘅微架構，ARM就係花好長時間，終於壟斷流動領域，MIPS架構則網絡領域較流行；即使在個人電腦／伺服器上x86亦難以被取代，RISC-V短期內好難取代上述處理器指令集（ISA），因為各自有深厚生態環境。
全球最大兩家芯片設計公司亦擁有本身ISA Synopsys（ARC）及Cadence （Tensilica），以上所有芯片都可伸延新出功能，設計出不同的DSP及音效芯片等。
Linux已經移植RISC-V，甚至可內嵌在RISC-V芯片。不過RISC-V針對專門設計，延伸至不同用途，設計工具開始成形，未來可開發專用AI或機械學習芯片，物聯網等新興用途。從自主設計ISA，完成測試芯片，不需高深技術實力及大團隊，細團隊隨時可以開發出性能超越芯片。如何令ISA市場化，用戶大規模採用，先係關鍵問題所在。
唔少大企業開始向RISC-V貢獻源碼，舊年推出RISC-V SoC FPGA供應用開發，支援實時Linux應用。Western Digital亦貢獻SweRV指令集，最近亦改善RISC-V支援KVM虛擬化平台。RISC-V距離大型商用，仍有一段時間，阿里嘅玄鐵910就針對5G、AI、網絡、閘道運算、自動駕駛等用途，唔係。
未來會否有香港初創，開發出有專門用途芯片，令人感到興趣。香港曾有唔少芯片設計專家，摩托羅拉就曾在港設計龍珠芯片。好少人注意，太陽電腦Sparc處理器亦曾一度由香港設計人員領軍。RISC-V芯片由小型團隊開發，未來再有香港設計芯片出現，真係亦亦未可知。