最近一年Robotic Process Automation（RPA）大熱，Fuji Xerox和怡和科技JOS都重點介紹RPA。JOS剛發表報告，甚至認為企業用利人工智能，可先考慮使用RPA。
簡單嚟講，RPA即係軟件機械人，都少電腦上工作都非常重複，RPA可以模仿人類工作，只要定義好工作流程，然後機械人就24×7，日以繼夜工作，年中無休。
香港人手短缺，各大公司發現有RPA之後，固然趨之若鶩。不過RPA競爭唔細，包括咗Blue Prism及Nice等。香港有唔少公司都正在用Nice在客戶服務中心做錄音系統，所以亦對Nice比較熟悉。
上次去富士施樂介紹新機會議，發現最大贊助商，竟然係UiPath，呢家公司嘅RPA獲得唔少公司採用，究竟有乜特別？
富士施樂環球服務部總監Debby Chan講起，富士施樂同UiPath好早開始合作，Debby話，UiPath最大優點係唔少流程可以自行開發，富士施樂幫客戶設計好基礎流程，客戶可內部自行開發，唔一定要外部開發商幫手，慳番唔少錢。UiPath在網上有唔少課程，放在UiPath Academy內，客戶亦可自己上堂進修。
富士施樂推動流程自動化，用UiPath甚至可以自動監察網站，甚至尋找資料或有負評，例如TripAdvisor評分比較低，就利UiPath自動監察，發出通知，甚至連道歉信都出埋。
唔少研究機構亦給予UiPath高評分。UiPath全面進軍大陸市場，大中華區業務由Gabriel Wu負責，目前UiPath估值已超過30億美金。亞太區則由前Riverbed嘅Tom Chin負責，亞太區擴充相當急促，最近亦聘請咗Rubrik嘅Teo Laypeng出任亞太區市務總監。
Gabriel以前在中國區負責思科保安業務，一直在北京同埋香港兩邊飛。
舊年底Gabriel就在深圳及上海等地開設辦公室，並在本港增聘人手。今個星期渠話UiPath就有孖屐亭同事上班。唔少採用UiPath都係大型企業，但係Gabriel話機械人可逐位聘請，細公司亦可使用。
但係UiPath並無分銷商，唔少人都係直接上網或通過技術夥伴購買，網上唔少軟件及雲服務，都係網上訂購，甚至AppStore下載，分銷商角色，愈來愈模糊，靠Box Moving維生的年代，可能已成過去了。