雖然話，西方多個國家，包括了日本，已經表示不會採用華為的設備。表面上，華為業務受到極大打擊，華為已在部分歐洲國家測試5G。美國商務部甚至正研究，會禁止某些AI產品出口到中國等，以免技術被「盗竊」。
美國帶頭指控華為，諷刺係美國本身，並任何無5G網絡基建供應商。
美國流動營運商只有靠Ericsson、Nokia及三星。但問題係上述三家在5G技術上，跟華為差一大截。華為研發最多5G關鍵技術，據「歐洲電信標準化協會」5G標準專利聲明，以專利聲明量超過1000件廠商；包括有華為、Nokia、LG、Ericsson、三星、高通、中興，其中只有高通一家，係美國廠商。
華為5G專利技術上，聲明專利排名第一，佔17%，亦可同其他廠商交叉授權，即使不在基礎建設上獲得合約，仍有專利可收。以上無一家為美國企業，Nokia更在中國有重大投資，甚至與中國移動研究所共同研究，唔少研發亦轉在中國進行。
限制高科技產品出口，或限制本地購入其他國家技術，結果可能係拖慢本身發展，甚至將部分行業機會，拱手送咗畀其他國家。
華爾街日報就有報導，英國營運商已向有關部門反映，華為比競爭對手早一年推出產品。禁止使用華為，英國5G較原訂，至少推遲9個月推出。
今年11月，華為向全球50幾家營運商，開展5G商用測試，向歐洲及中東推出超過10000個5G基站，亦係全球最多。
歐美5G遲一年半載推出，驟眼看來似乎無關痛癢，頂多消費者較遲享受5G。但最大問題係5G唔同4G，5G涉及多個行業發展和工業生態；包括車聯網、遠程無人機、工業互聯網、遠程醫療、XR，必須靠5G作為基礎。5G從人與人，或人與機器通訊，進化至機器與機器通訊，所以帶通工業生態。
中國銳意發展5G，就係針對《2025中國製造》。問題在於，假如中國如期2020年全面推出5G，類似行業亦隨之發展，歐洲如果要等一年後，先至有5G，屆時生態系統在中國落地生根，更加不利。屆時又是否連5G所有嘅周邊產品，亦同樣實施限制？
美國商務部又考慮限制AI產品，問題是AI算法公開，唔少算法甚至在Arxiv.org等網站公開。AI強調數據、算法及算力；美國後兩者優先。但唯一可限制係唔出口GPU或者FPGA。不過，上述英特爾在重慶建立全球最大FPGA研發中心，AI研究基地在邊個國家，不言而喻。
AI以協作形式開發為主，並無大量機密，資訊相當公開，甚至努力鼓勵其他人加入開發行列，支持自己標準，最明顯係GoogleAI框架Tensorflow，唔少開源項目，甚至本港大部分AI破席，都係以Tensorflow為基礎，外間貢獻嘅源碼，已經比Google還要多，Kubernetes就係最佳例子之一。點樣界定邊項AI技術，係美國科技成果，本身已經相當難。
中美在唔少科技領域上，已相當接近。類似科技及網絡產品，美國一向有限制出口，後果係中國後來追上，類似制裁愈來愈無意義，某程度上更對美國公司競爭不利。
AI技術難以限制出口，限制出口相等企業自縛手腳，但又無助對手取得新技術。
類似AI技術，好難界定何者有戰略價值。中國以AI作為戰略技術，原理上亦同5G差不多，以AI推動工業轉型，類似工業4.0或無人駕駛。
其實比較關鍵問題，係各國點樣短時間內，訓練大量AI人材。美國特朗普政府限制人材人境，甚至向本土科技人材，展開「獵巫」行動，技術人員更難進入美國工作，結果矽谷公司，只有紛紛外地設立研究中心。
美國政府反智，可能對中國政府，長遠嚟講係好事。