星期五，Macroview在數碼港SOC網絡安全營運中心開幕，以往Macroview總部在北角，今次去咗數碼港，自然係希望培養本港創科生態。
Macroview合作夥伴包括Palo Alto Networks（PAN）及Splunk，上星期遇見PAN嘅港澳區老總Wickie Fung，不過今個星期不在港，不過負責夥伴關係嘅Bryan Yeung代為出席，另外Splunk嘅老總Simon Tai亦會出席，Wickie話渠同Simon在Symantec合作十幾年，如今PAN同Splunk亦係合作關係。
近年PAN網絡保安增長唔錯，原因係生態系統優勝，呢個優勢亦同Splunk差不多。PAN開放大量API，因為可與唔同廠商合作。網絡保安必須整合唔同產品，已經係大趨勢，而Splunk亦可處理大量不同格式日誌，所以能夠處理唔少營運上問題。近年Splunk亦在SIEM市場發展得唔錯。
另一家Macroview合作夥伴則是CyberArk，亦係1999年在以色列創立嘅保安公司，已經納斯專門做特權賬戶管理，係特權賬戶管理主要供應商。唔少公司安全事故都源於特權賬戶被攻擊或管理不當，類似國泰航空就好可能係類似原因出事。今年以來CyberArk股價持續向好，而大中華區區域總監Jack Poon亦會出現。
Macroview設在數碼港嘅網絡安全營運中心叫A-SOC，仍根據近年流年嘅Adaptive Security，中文或者可勉強譯為「適應性保安」，可以不斷評估各種行為及事件風險水平，並且防範於未然。適應性保安與傳統保安方法不同之處，係會持續對系統細節或物件，打出風險評分。
適應性保安興起，係由於網絡風險不斷變化，而網絡保安就好似城牆一樣不動如山，所以新一代保安架構必須與時並進，不斷更新風險水平，並作出反應，唔係發生事故後，才被動作出應變。
Splunk嘅ES係其中可以建立類似Adaptive Security嘅SIEM平台，不過唔少機構並無能力自行建立適應性保安架構，Macroview亦利用上述SOC展示A-SOC建立及營運方法。
A-SOC在數碼港建立，亦可以同園區內創科互動。數碼港係本港最大Fintech集中地，行政總裁Peter Yan當然歡迎Macroview搬入，期望可以帶動園區內Fintech及保安初創更快成長。Fintech產品首先必須安全，最近「轉數快」電子錢包設立eDDA環節出事，顯然係事先無考慮清楚。國內銀行戶口早已必須連結手機號碼，而且必須銀行驗證。設立eDDA前，金管局似乎無做系統風險評估，不過，國內手機以實名制登記，出現類似問題風險較低，香港無實名制，所以出現漏洞。
據Macroview技術官P.H Tang話，Macroview亦希望採用本地創科技術，部分創科已經到咗SDK階段，可釋放SDK俾系統整合商作測試，對搬入數碼港亦有好大期望。