以創科王國形容以色列，可以話係當以無愧。以色列以人口計，同香港差不多（約800多萬人），但近十多年當地政府透過積極推動創科發展，全國擁有三千家高科技公司，有6000多家活躍創科公司，初創總數僅次於美國矽谷，人均創業密集度全球第一，400家跨國企業在以色列設研發中心。
以色列在在納斯達克上市公司數量，僅次於美國，初創數量遠超中、英、日等國家。以色列高等教育界，尤其其中8所研究型大學（Research university）積極推展科研工作及向產業和商界轉移技術。研究型大學學術研究成果商品化工作，由大學技術轉移部門管理。以色列有大量外來移民，亦帶來唔少專才。
不過，以色列人口較少，好難發展類似B2C技術。以色列集中開發所謂「深科技」。較早前，香港科技園探討未來與英國專門投資大學科研成果的領先機構IP Group合作，就係如何將大學研發嘅「深科技」商用。所謂「深科技」，係經基礎研究獲得嘅技術，多數要經十多年研究開發，不容易模仿抄襲。
本地大學有無「深科技」？香港可否成為另一個以色列。本港最著名當然係AI獨角獸商湯科技，中文大學亦有另一深科技研究項目，就係「網路編碼」（Network Coding）。中國網絡編碼研究係由本港一批研究人員推動，一般網絡只係傳送資料，並無智能化，亦唔控制數據分發及存取方式。網絡編碼則在傳送過程一併處理數據，令數據傳送更快速，亦更安全及容錯能力更高，有極高應用價值。
網路編碼曾獲本港大學資助委員會撥出超過港幣8000萬元資助，後來深圳市又資助成立「深圳市網絡編碼關鍵技術及應用重點實驗室」，顯示中港兩地專家都認同項目潛力。
呢項深科技自從90年代開始，深藏在院校實驗室。最近Aldous Ng來電，話成立咗新科創CU Coding，始創成員包括「網路編碼」聯席主任劉紹強教授，而另一位最早提出網路編碼理論Raymond Yeung楊偉豪教授，亦係創始人。前加怡董事總經理Joseph Wong黃志榮亦加入，顯示資金來源，已不成問題。
未來數據儲存及備份，會分散在多雲環境，重組可更快及更安全。全球主要公共雲嘅物件儲存，就係利用Erasure Coding原理，快速從多個數據中心重組資料，即使某個數據中心有問題，即唔會掉失資料，數據量愈來愈大，儲存及備份，重組、安全、容錯都係重要考驗。
網路編碼推出多雲分散式存儲，利用網路編碼加上Erasure Coding技術，資料可經多條路徑傳回，重組資料時間可減少六成，儲存成本更低，恢復時間更快。呢項香港深科技，可否商用化衝出香港，大家拭目以待。