今個星期五，科技園在西九龍ICC舉行電梯募投比賽，係科技園每年最大盛事。比賽係100間初創企業將雲集ICC，60秒電梯旅程內向評審施展渾身解數，推介創業理念。
獲選最後10強，會登上ICC頂層天際100，向投資者評審團，作三分鐘終極介紹，競逐投資基金。今年更增五項科技組別大獎，頒發予在人工智能及機械人技術、金融科技、健康老齡化、智慧城市，以及新一代科技五大組別中，表現最佳的初創。
一個創業理念如果行得通，只要廖廖數語就可以打動人心，電梯募投比賽唔係比口才咁簡單。
上次在IP Group合作簡介會，科技園行政總裁黃克強，亦特別講明，今屆電梯募投比賽，有唔少國外隊伍。據悉今屆共收591份全球各地參賽申請，較舊年增29%。唔少外國創業團隊，希望到香港發展。電梯募投比賽已非本地盛事咁簡單，而係國際性比賽，提昇本港作全球嘅初創樞紐。
今次電梯募投比賽亦可能係歷來規模最大。今次入圍100強初創，會參與科學園為期 12天飛躍計劃，與本港創科生態圈聯繫交流，以及潛在投資者、業務夥伴會面，亦可認識香港、中國以至整個亞洲市場的業務發展機遇。
今次比賽吸引全世界隊伍參加，當然臥虎藏龍。本年度政府預算案預留科技園資金，其中5億元加碼投入企業投資基金CVF，與私人基金配對投資園區項目。科技園作為牽頭投資者，其他投資者更有信心，帶動投資氛圍。前主席羅范椒芬曾經話，用作投資科學園培育公司CVF，以往每投1元，就有13元回報，
科學園積極吸引各國深科技，上次IP Group聯同多家全球大學研發深科技來港，唔少同科技園有合作機會。但投資要有好回報，必須遇上有好對象。電梯募投比賽亦吸引全球創科到香港，亦可以有機會落戶本港，增加投資機會。
上星期另一大新聞，係麻省理工（MIT）宣佈投資10億美元發展人工智能。因為美國私募基金百事通集團（Blackstone）主席Stephen Schwarzman宣佈向MIT捐出了三億五千萬美元，成立麻省理工Stephen A. Schwarzman計算學院（MIT Stephen A. Schwarzman College of Computing），亦是MIT有史以來最大規模改組，增加50個新學院職位，MIT嘅AI及電算學術空缺，馬上增加了一倍，MIT已經係全球最頂尖AI研究機構，再加碼10億美元，可見全球AI競爭已進入直路。