人工智能（AI）成全球熱話，香港上市嘅鴻福堂推出智能養生站「鴻家 HUNG+」販賣機，可拍下顧客臉部即時以AI分析，以特製邏輯思考模型即時分析。模型會根據多種因素，包括當日天氣、年齡、性別、形像，即時分析數據並建立預測檔案，預測最有可能購買嘅養生產品，向顧客推薦個人化產品。
究竟買乜嘢涼茶或養生產品，可否從臉部分析得知？好難判斷。
不過，AI一定可以辨識用戶身份，下次再幫襯，販賣機會會認得顧客，即時推薦相關產品。
販賣機作為IoT設備，已有唔少先例，可調出唔同味道汽水嘅可樂 Freestyle汽水機已，可調製出100種唔同汽水口味，背後使用流動設備管理軟件AirWatch。傳聞可樂亦會推出首部AI汽水販賣機，以Facebook messenger同老主顧對話，Chatbot可能仲識介紹限定優惠，根據口味推薦新品。
販賣機加入AI，最大好處當然係可從大量顧客購買行為，作出分析並加入優化市務及產品設計。AI模型必須大量數據訓練，然後作出推論。按目前發展估計，識得AI睇相自動販賣機，可贈客倌兩句，應亦為期不遠。
AI大規模應用，要先解決道德討論。AI達致某個結論之後，是否基於客觀推論，還是基於偏見？AI用於決策支援，最大難題係，必須清楚點解會達致某個結論或建議，而且無基於偏見。AI無偏見，前題又當然係用於訓練AI模型嘅數據本身，亦不帶有偏見。如果機械人訓練時帶有偏見，回答時亦會反映。所以，騰訊小冰口不擇言，亦係俾人「教壞」之過。
Salesforce首席科學家Richard Socher，係史丹福博士，2014年博士論文就係以自然語言處理（NLP）為題材，吳恩達曾公開讚揚Socher論文研究算法，可為語意分析帶來突破。
後來，Socher創辦嘅MetaMind被Salesforce收購，Socher除咗以NLP改善產品，開發出Einstein Voice，亦關注點可保證AI學習時，不會存在偏見，甚至聘請心理學家，作為道德AI架構師。從此可見，AI唔係噱頭，大家已經考慮到應用時各種問題，背後潛在道德及法律考慮。將來AI推薦決策，隨時告上決庭。