下星期本港團結香港基金主辦Inno Tech Expo創科博覽2018，展覽日期從2018年9月23日至10月2日舉行，由前港大校長徐立之教授，係創科博覽科技團召集人，展覽有工農醫三大主題，由古至今。創科博覽主要推動學生對科技興趣，係團結香港基金每年大製作。
唔少家長經常想知點可以引起子女對STEM有興趣，類似Inno Tech Expo就係最佳教材，亦唔駛花費分毫。
大學亦為咗未來發展，致力加強STEM教育。中文大學就公佈全方位培育STEM未來領袖。互聯網及智能通訊發展迅速，預期下個科技浪潮，會由大數據及人工智能（AI）引爆，預計AI會吸引唔少尖子報讀。
中大為培育數理科技人才，理學院同工程學院攜手，推動STEM教育，下學年起調整收生安排，培養吸納優秀STEM人才，STEM科目表現卓越中學生，可以靈活入讀中大理學院及工程學院各學科。副校長潘偉賢教授話，中大理學院收生一向唔差，全港理科一向有全港唔少成積最優異學生入讀。理學院岀路甚廣，除科學研究，唔少金融機構亦會招手。
中大獲上海總會資助，每年為中學生舉辦STEM課程，同學生可趁暑期接受大學訓練，提升數理和工程科技能力；完成STEM課程取得學分，日後就讀可以計入修讀學分。暑期課程由中大導師職員自行設計講授，可謂貨真價實，坊間之STEM無得比較也。
除咗中學生，今期撰寫專欄嘅林天麟博士亦在深圳小學推出機械人課程，由AI機械人上堂示範，相當新穎。