政府推動STEM教育，而優質教育基金又按《財政預算案》建議，撥備30億元推出「公帑資助學校專項撥款計劃」；小學、中學，甚至特殊及直資學校，均可獲200萬元額外資助，各大廠商當摩拳擦掌。
剛接Apple Learning Academy通知，推出為期一年的專業培訓，以一對一方式為學校發展校本電子學習計畫。今年九月至明年六月會有四次介紹會，每家學校可以提名兩名教師參加，
據Apple介紹，Apple編制一系列課程，聲稱讀完之後，教師可輕易將編碼和核心創意技巧，應用到每一學科；又設計咗唔同計劃，協助教師彼此學習，提供專業學習資源，建立使用 iPad同埋Mac技巧及信心，又設立奬勵計劃，表揚教育界先驅。今次Apple重槌出擊，希望鞏固學校市場。
IT行業進駐，必須先行者。Apple免費為學校培訓，當然咗招收信眾。從Steve Jobs時代，Apple一直在教育行業有特殊地位，加上iPhone流行，有先天優勢。
咪記亦有Microsoft Innovative Educator Expert之設，加上Microsoft製作大量STEM教材，可展示不同物理課題，用Office作資料顯示，甚至大數據分析。Microsoft已經有唔少現成材料及編程，可供下載，每年亦搞教育論壇，總之希望打開教育市場，加上唔少學生用OneNote做破席交功能，所以亦有捧場客。
Google for education設免費線上訓練課程，亦有認證訓練講師（Certified Trainer）計劃，各施各法。至於Google，大家做功課，有無可能唔用Google Search?