咪記會在9月13日舉行網上會議，由Microsoft首位華人技術院士黃學東（相當微軟資深副總裁嘅職位級別Level 80，亦係通過技術成就，晉升至最高級別嘅華人）開講AI。黃學東係微軟首席語音科學家，Microsoft人工智能及自然語言處理專家，IEEE及ACM雙院士，亦領導開發CNTK深度學習框架。
咪記在AI開發仍係全球頂尖，北京微軟亞洲研究所更被稱為AI黃埔軍校，即使今日商湯科技唔少高層，亦曾到微軟亞洲研究所實習。微軟亞洲研究所亦係全球AI挖角對象。
黃學東係湖南及清華大學畢業，然後赴英國愛丁堡取得博士，並非美國深造，英文係蘇格蘭口音。但黃學東帶領團隊Microsoft機器翻譯系統，今年剛在丹麥哥本哈根舉行2017機器翻譯大會（Conference on Machine Translation，WMT17）上2017新聞測試（News test 2017）組別，以中譯英首次達到媲美人類翻譯相同嘅準確度。兩年前，Microsoft語音識別詞錯率低至5.9%，達到專業速記員水平，亦係黃學東領導團隊。
黃學東在自然語音處理方面，係大師級人馬，利用AI模仿人類思維方面做翻譯。黃學東曾表示，AI今後10年所帶來變革，將超過之前嘅2000年。此語能否應驗，拭目以待。
黃學東在湖南大學求學，岳麓門前有「惟楚有才，于斯為盛」對聯，聞名於世；上聯出自《左傳》，下聯《論語》。湖南人材輩出，讀書人躊躇滿志，略帶狂傲。呢副對聯，可謂神來之筆。
如果論規模鼎盛，當然仍首推9月中，上海舉行全球人工智能大會，亦係微軟任戰略合作夥伴，據講一票難求；主講者當然包括沈向洋。黃學東曾在美國Carnegie Mellon任職，老板係圖靈獎得主Raj Reddy，美國最早期研究AI大師級人馬，一直在史丹福及Carnegie Mellon從事研究。
全球人工智能大會另一位主講者係中國圖靈獎得主姚期智，中國唔少AI大咖係姚公清華門生，今次亦係講量子力學與AI；印象之中，兩位圖靈獎同時參與，似乎好少聽聞，不過另一位Carnegie Mellon學者Richard Scheines，竟然係哲學系教授，但Scheines亦係AI最前沿學者，會講關深度學習嘅下一步，AI如何發展下去，甚富前瞻性。
至於本港，商湯科技亦會到全球人工智能大會參展，據聞中大校長段崇智亦赴會，會議規格之高，可想而知。