香港金融管理局已訂下今年8月底作為接納虛擬銀行牌照最後期限，據行內人士話申請機構，已達八十多家，截止時可能多達一百家。據聞，網上金融平台WeLab及英皇金融有意申請，唔少傳統銀行，亦有意申請虛擬銀行。
金管局已成立專責小組，估計今年底或明年首季，首批虛擬銀行出爐。上星期，中國國際電信CPC搞講座，請CityLine總經理Joseph Lee演講，原來CityLine除咗賣戲飛以外，亦為唔少機構White Label賣飛，包括本港兩大主題公園網上售票。
本港主題公園客源唔少係內地遊客，習慣網上旅行社（OTA）訂飛；從主題公園訂飛之後，手機QR Code就可入場，亦可以QR Code預售餐飯及紀念品。內地遊客到港消費，理論上乜都可QR Code；安記海味又得，安妮曲奇都得，買演唱會飛都得，全部經OTA從CityLine預訂，到港提貨入場，唔駛現金或信用卡。
香港FinTech商機無限；數碼港唔少初創搞FinTech。上星期，數碼港荃灣市中心Smart-Space 8開幕，專為青年創業家而設，傳授創業經驗、人脈關係、各種心得，甚至包埋資金，6月1日已接受網上申請。
數碼港坐落港島南區，唔少成功創業案例，如果社區青少年有創業大計，難遠赴南區創業，唔需要望門興嘆。Smart-Space 8好有共融意義，即使創業青年遠在荃灣，亦享受一流共享空間。
Smart-Space 8唔止共享空間咁簡單，亦係要走入社區激發創意。數碼港行政總裁任景信話，荃灣附近有唔少遊戲開發公司，隨時可上嚟合作；Smart-Space 8畀青年人交流機會，多啲討論空間。
Smart-Space 8位荃灣中染大廈，係香港興業響應特區政府推行「青年共享空間計劃」，以三分一租值租，同數碼港合作供青年人創業，加上數碼港又有專為青年而設計畫，創意微型基金、數碼港培育計劃、加速器支援計劃、投資創業基金等。
唔少初創企業科技範疇，包括電子競技／數碼娛樂、金融科技、人工智能／大數據、智慧城市／智慧生活、區塊鏈等，有成2萬呎空間；最多可容納141家初創，多達230人。點解叫Smart-Space 8？另外7個 Smart-Space，就位於數碼港園區。