上星期，有關中國芯片討論，可謂汗牛充棟。從中國到核心技術大落後，到應否開發芯片，應否要自主技術，幾乎人人變咗芯片專家。
全球科技分工精細，垂直整合愈來愈難。中國消耗芯片，因中國係製造業大國。歐美開發基礎技術有長遠歷史，但從應用創新，製造成本又不及中國，形成產業鏈。中興唔掂，多家美國供應商股價亦急挫。習近平重提「核心技術是國之重器」，國際分工不以主觀意志為轉移，但廠商為求自保，今後積極開發自家基礎技術，未來十年研究開發經費，有增無已，以免變咗中興第二。
全球人才競爭加劇，海外研究機構內唔少華人，香港生活方式，最接近西方國家，可吸引研究人才回流，只係生活成本太過高昂。香港溶入大灣區後、人流、物流、資金流加強移動，可以有更大空間發展，吸引投資及人才回流。
上星期得悉，又一家老牌工業公司Computime下星期一正式遷入科學園，專門開發電子控制元件及傳感器，前偉易達高層David Mak亦加盟咗Computime，亦曾老牌電子公司IDT任高層。Computime進駐園區，希望同創新企業一齊刺激思維。
多家老牌公司及元件分銷商進駐科學園，唔少大學創新陸續遷入。科學園地理關係，唔少創科來自中大。星期五，中大舉行每年一度「中大創業日」，介紹畢業大生創業成果。今次主講嘉賓；包括商湯集團聯合創始人及CEO徐立及中大校長段崇智教授，地點係中大康本國際學術園地下。
商湯已經成為全球估值最高AI初創，亦係全中國最炙手可熱。徐立從上海交通大學畢業後，2010到中大攻讀博士，再創辦商湯成AI領軍人物，只係短短八年。不過中大團隊深耕AI多年，先修成正果。
中國技術自主，首先要培養過百家一流大學，上下而求索