上星期，香港獨角獸商湯在北京舉辦AI高峰論壇，雖然會議望京區諾金酒店舉行，但仍有七百人出席。大家都係想知道，呢家即將上市嘅AI企業，究竟點解咁值錢？
行政總裁徐立介紹商湯各個產品，最為人識當然係安防系統。唔少人以商湯呢方面產品大造文章。
商湯已經推出多項不同產品，包括無人商店SenseGO、解譯遙感影像SenseRemote，增強現實平台SenseAR。
OPPO及商湯合作AI芯片，以AI分辨出唔同標籤及場景，例如正拍攝人像、食物、寵物。AI用於拍攝亦可以分辨出主體及背景，拍攝出比以單鏡頭反光的淺景深照片，除咗可以美顏，可造出唔同打燈效果，媲美專業打燈，甚至改變身裁。相機已成為手機內，除通信以外最重要嘅功能。AI令手機廠商以低價鏡頭及硬件，拍攝比傳統專業相機更優質相片，除咗美顏，AI亦可自動執相，甚至清晰化照片，低光線拍出明亮照片，即使OPPO用較低規格硬件，拍攝水準可好過貴價機。
商湯同手機OPPO合作，以SenseAR為引擎供OPPO AR作開發者平台，京東及王者榮耀等app都入駐咗OPPO手機，效果比Hololens更勁，手機肯定係AR切入點，唔怪得咪記咁快停產Hololens。
去完峰會，先明白點解咁多手機廠，爭住同商湯合作。SenseAR可造出以往電視台先做到特技效果，供個人直播採用。唔少人以為，Google或飛卜首先發表AR平台，查實2016年1月，商湯已發佈AR平台，飛卜係2017年4月、Apple去到2017年6月、Google最快亦只係2017年9月先發佈；SenseAR已經佔去亞洲區八成市場。
今次峰會亦講到「中興事件」。商湯創辦人湯曉鷗教授話，有人以燉牛肉麵，形容今次事件，實在相當傳神。中興有如一碗未燉好嘅牛肉麵，技術根底薄弱，結果馬上休克。
湯教授話，高通技術已發展五十幾年，一直超前同業唔少。商湯亦係二十多年成果。中大多媒體實驗室從2001年由湯曉鷗教授創辦，先發展成為「人工智慧研究先鋒」，同加大柏克萊分校、麻省理工學院、史丹福、牛津齊名。商湯初期用大量資金購買GPU及人材，幾乎壟斷咗中國AI主流人材，先具備不對稱競爭優勢。
湯教授話，唔想食牛肉麵，想食蘋果。