政府推動智慧城市，今日有唔少活動，推動金融科技及IoT，數碼港及香港電訊今日都舉行相關活動。香港算係金融中心，Fintech應該好有前途。香港Fintech第一隻獨角獸，應該算係WeLab，其WeLend服務更為港人熟悉，國內「我來貸」亦剛獲B+輪2.2億美金融資；估計今年WeLab可能上市。
雖然，金融發展局曾出過唔少報告，論及Fintech發展，不過本港金融有唔法例同框架要遵守，部分金融法例未修改前，有創意亦唔容易落實，即使係WeLab創辦人龍沛智係資深銀行家，亦曾話本港金融法例嚴格，創業唔易。以微訊支付為例，就因銀行處理資料法例規定，香港搞咗好耐，加上八達通流行，小額流動支付，更難打入市場。
本港另一難處，係數據開放較慢，原因係私隱法例發展成熟，唔少企業亦唔想分享數據，又無公開市場作交易數據，數據就係金融技術嘅原材料，無原材料就寸步難行，唔少網上科技，可用免費服務吸引用戶，網上蒐集大量數據，手頭子彈先至充足。上星期，見到科學園老頂Albert Wong，渠話科學園有唔少好嘅研究同創科，本港唔少投資者態度急取，往往要求短期回本，類似湯商等科技，要好多年先見技術成熟，急於求成者，好難投資創科；首要任務，可能係先培養投資者。
上星期，聽講AWS又有新人返工，據講以前Juniper靚女Abby Tang去咗做技術夥伴開發。據講AWS月月有唔少新人返工，擴張迅速，今季度業績，可能又係再見新高。