年尾，華為邀請傳媒晚宴，講起來年計畫，正在本港興建兩個數據中心，提供公有雲服務，目前其他公有雲亦正建立雲數據中心；包括Google同埋Amazon，Azure一向已有數據中心，阿里雲亦擴建香港數據中心兩倍規模以上，唔少IT公司加入銷售，SingTel正與阿里雲合作，明年市場愈來愈熱鬧。
以數據中心密度，香港約有四十家數據中心服務供應商，數據中心達五十多個，市場每年增長15%。據華為公關Fiona講，華為公有雲以企業市場為目標；以OpenStack的IaaS(Infrastructure-as-a-Service)建立，華為與服務供應商網絡合作，向企業提供伸展運算能力，可以雙贏。
華為已經同歐洲德國電訊共同建立公有雲，為歐洲地區服務，明年業務擴展到香港；則可能同電訊盈科合作，聽聞SingTel亦正與華為洽談合作。華為在德國亦與SAP合作，向經常使用SAP或者HANA提供IaaS。
華為與商湯亦係合作夥伴，除咗雙方在手機上合作，亦推出超高密人臉識別，利用華為FusionServer G2500服務器，有成16片NVIDIA Tesla P4 GPU。一部可以同時處理224條高清HD影像串流頻道，唔少公共場所，類似地鐵、機場、銀行、賭場、甚至主題樂園等公共場所採用。香港唔少公共場所都係用使用以色列開發嘅Verint Systems，作為視像監察分析，但商湯在人臉識別及AI方面有唔少突破，對Verint有好大威脅。
上星期亦見到CA Technologies嘅SK Cheung，講起DD，原來SK以前曾在Dell服務，專門銷售軟件，曾係Steve Lam同期，仲係同一日離開。原來SK亦係彭叔師弟，不過當然唔係同期，世界真細小。