Dimension Data自從Steve Lam離開之後展開招聘，終於有新老頂上任，就係前SAP負責雲端業務嘅Steven Medeiros。Medeiros之前在專門做流動運算嘅Kony，不過主要工作經歷在SAP，2004年加入SAP後，至2014年擔任SAP雲運算服務老總。
講起DD，前一任舊老總Francis Pang，曾擔任I記HR高層。彭叔領導大地瓜多年，業績唔錯，有次飲茶，順便請教領導之術，渠話CEO除咗睇數，責任包括培養領袖，當然靠內部訓練；另外亦留意機構人才流失率（Attrition Rate），渠話經常同科技界高層同業聚會，討論行內人材流失趨勢，為本身公司做Benchmarking。類似Benchmarking，多外委顧問做調查，不過IT行業變化好大，幾個月可能已經唔啱。彭叔話，同行家飲完餐茶已有個底，點樣保留人材，唔少老總只顧KPI，缺乏客觀比較，見唔到外間情況，結果瞎子摸象。每次人事變動，都變成大地震，最後內耗不斷，甚至影響聲譽。彭叔退休後，仍有人聘請做諮詢，可見人事管理，仍係機構重中之重。
早前，雲端HCM公司Workday舉辦講座，Workday擁有大量客仔嘅數據，即時見到每個行業內，人事管理報酬及流失率趨勢，在不影響私隱情況下，可比較不同行業數據，董事局判斷管理層合唔合格，更客觀調整人事政策。聽完Workday講座，同彭叔所講，不謀而合。早前提及，Singtel引入波士頓保安初創企業BitSight，可為企業IT保安Benchmarking，同樣可以為IT保安打分，知道究竟自己保安程序，點樣與同業比較。有咗雲運算，其中一個優點，就係唔駛飲茶或調查，即刻可以做Benchmarking。
不過原來彭叔嘅老爹彭濟涉，乃本港國畫大師，生前創作本港寫生作品，極富紀念意義，彭叔為父親出版咗『濟涉河山』畫冊，四出為保留其畫作宣傳，聯絡博物館聯絡，保留香港記憶，可謂有心人。
人才流失率高低，甚至影響機構聲譽。據南華早報報導，香港科技園人材流失問題，但只係針對某啲部門。近年羅太領導，香港科技園成績，有目共睹，發展醫學科技同埋物聯網，做出好成績，新管理層就任不久，只看人材流失，實在有欠公允。不過，業績當然緊要，人材流失率亦不能輕視，否則辛苦改革，到頭前功盡棄。