新正頭，見到電訊盈科旗下P仔Solutions董事總經理于禮安（Ramez Yunan），唔少企業開始實行數碼化轉型，企業方案業績唔錯，2016年企業方案收益按年度增長達6%，經常性收益增長更達11%，顯示與客戶建立係長遠關係，唔再係集中於短線一次過交付嘅破席，係以IT方案直接支撐業務發展，屬於長期業務關係，收入好穩定。
舊年P仔Solutions响菲律賓交付中心開始營運，于禮安話印度同菲律賓都有非常優秀程式人員，香港僱員唔一定要集中於技術層面，反而要理解客戶業務需求更重要。據講唔少企業IT負責人講，菲律賓IT技術方面，唔俾印度為差，有機會挑戰印度IT服務外判地位。
以往，P仔Solutions業務集中政府同埋電訊業，本港海事處及國際機場亦係渠地客仔。于禮安話近期其他行業；包括零售及製造、保險、酒店等亦有增長，表現相當平均。
P仔Solutions另一項係獲得塞班島贏得為博彩業項目，建立IT基建。講起塞班島，已經成為博彩業新熱點，塞班島「太平洋娛樂」賭場，據講有中國富豪坐私人飛機到訪。「太平洋娛樂」由本港上市「博華太平洋」（股票代號：1076）經營，剛剛完成咗七千萬美元票據融資。塞班島賭場大舉澳門宣傳，幾乎所有澳門的士車身，都係塞班島廣告。今年4月，「太平洋娛樂」度假酒店開幕，明年再有大型酒工程店動工，客源當然亦係內地遊客。
博華太平洋認為澳門賭業已過黃金時期，放棄澳門賭廳業務，業務焦點轉向塞班島發展賭業。但塞班島係美國屬地，大力打擊洗黑錢，曾一度傳出美國當局進行調查。但據報「太平洋娛樂」貴賓廳業務，已跑贏咗澳門賭場。
而擔任銷售及營運SVP蔡靜泓Sinko Choy，加盟P仔Solutions亦剛好兩年，渠以前曾經做I記，講起幾年前收購Compass，响內地獲得唔少ERP生意，今年業績應該交到功課。