賭城CES新展品，要幾新奇有幾新奇，今次有小米電視4，只有4.9mm厚度，用無邊框設計的4K屏幕，又有水底無人機。
雖然，Amazon的Echo無在賭城CES設展覽館，整個CES都有Echo的影子，另一家公司則是提供事件驅動服務IFTTT。IFTTT有唔少有趣應用，例如自動將iOS內聯絡人自動存檔到Google試算表。
除了Echo汽車，CES展出Echo雪櫃、髮刷、吸塵機、甚至係焗爐。會場內叫Alexa此起彼落，唔知仲以為有細路走失咗。
Echo未支援香港，唔少服務都用唔到，Amazon在GitHub上提供Alexa示範軟件，可用Raspberry Pi架設Alexa。起初用Alexa，感覺同Siri差唔多，問渠用乜方法收藏屍體，Alexa叫你報警。
Alexa回答球賽，結果快而準，時事亦難渠唔到，對答如流，頗有幽默感。但問唔到香港六合彩及賽馬結果，期望香港馬會引入，到時中唔中獎，問下就知。
Alexa幽默感唔錯，你問渠靚唔靚，渠答「Beauty is in the eye of the beholder」（各花入各眼），相當得體。