電腦J手記
螞蟻上市全城關注，除咗支付，螞蟻在金融科技有唔少創新，連續多年係區塊鏈專利數目最多。嚴格而言，螞蟻可算係完全數碼化，甚至虛擬金融集團。香港虛擬銀行剛起步，中國內地金融早已百花齊放。
螞蟻金服收入來源，集中在支付、數碼金融平台（消費信貸、經營者信貸、理財、保險）、創新業務（區塊鍵、數據庫服務）三者，其中金融平台佔去6成幾收入，支付收入只有3成多。大家熟悉嘅支付寶，並非螞蟻集團主要收入來源。
螞蟻集團已經係多元化金融平台，提供創新金融後，有望再大幅增長；螞蟻金服擁有中國消費及商業交易及信貸數據。數據又係未來經營金融業最大資產。螞蟻坐擁數據如何與其他業務，例如是金融服務和電子商貿，產生進一步協同效應，引來無限。
至於創新業務（包括區塊鍵、數據庫服務），螞蟻連續多年係全球申請最多區塊鍵專利企業，區塊鍵創新，未來螞蟻集團亦可提供服務，長遠而言，螞蟻可能發展成一個金融平台，供不同金融機構合作創新。
匯豐銀行亦不斷推動開放API，以作為不同金融科技創新平台。匯豐可以話係全港最積極應對金融科技創新嘅銀行，從支付到財務，可以話全方位創新。不過，金融創新必須人才，香港培養金融科技人材，亦原來唔少有心人。
星島日報請來財經界資深基金人士龐寶林開講，講螞蟻上市認購攻略與金融科技前景，唔少讀者叫好，大家可以到飛卜睇重播。
Paul講及旗下基金表現，今年增長超過5成，原因係睇好新經濟，投資隨新經濟發展水漲船高。Paul又係亞洲金融科技協會（IFTA）創辦人及主席，呢個會主要係推動金融科技專業化，亦從英國引入金融及科技證書課程（Certificate in Finance and Technology, CFT），設有專業考試及認證，亦在台灣推廣英國金融科技師證照（CFT），完成後同CFA一樣，大把人請。
中國正在推動央行數字貨幣DCEP，中國進入虛擬貨幣，究竟會點樣影響經濟及金融科技發展。DCEP唔係八達通，星島日報亦會邀請國內支付及電子貨幣專家，再分析DCEP點樣改變國內金融形勢。