電腦J手記
蘋果推出iPhone 12及12 Pro系列，具備夜拍功能，支援5G，iPhone 12 Pro加咗個lidar鏡頭，傳媒遮天蓋地，究竟新iPhone有乜突破，其實大部份人都唔知，DxOMark lab更指iPhone拍攝質素一般，不過營運商寄以無限希望。
5G係iPhone主要賣點，iPhone就係營運商救主。各大營運商推出新iPhone，希望帶動上台。5G作為通訊技術，究意有乜實際用途，似乎現時香港唔算好多，究竟5G對於招租有乜好處？不過各家營運商就各施各法，中國移動剛舉辦「5G Solution Day 2020｣，展示5G技術及企業方案，包括物聯網、雲網融合，又穿插「無人機解決方案」、「高清直播解決方案」及「智慧停車場」方案。不過部分地區確利用5G作為合作唱歌及樂隊訓練，利用5G低延遲的特性。
但從4G到5G，速度就唔太高，全港最大嘅香港電訊5G上客量只略高於10萬，業績普遍受壓。本港4G覆蓋非常全面，而5G又一定換電話，4G電話選擇多功能勁，唔少品牌有5G旗艦機；包括小米、華為、Samsung、vivo、SONY、Oppo，但未見換機潮。雖然5G極速，一般人打機視頻，未必用得著。
iPhone用戶積極追新，單一手機型號最多用戶，加上炫耀式消費，每次營運商等待iPhone出世，急過果粉。iPhone乏善足陳，營運商仍然努力一齊唱戲，iPhone銷量一定有保證。
除咗iPhone賣點只有5G，亦有商廈以5G作招徠，香港亦出現首幢5G智能大廈，位處觀塘駿業街46號，與中國移動合作，全幢大廈引入5G流動通訊技術，創立「初創生態圈 EMPOWER UP」企業支援服務，協助連結商業網絡，擁有商機配對專屬空間，具獨有應用程式及技術支援服務等，據講特別適合初創科技企業、電競、物聯網及電子商務等行業。
不過各營運商5G已覆蓋達港、九、新界室內、外人流熱點，主要高速公路、大型商場及商廈，都已經有5G服務，香港係最快進入5G城市之一，不過營運商亦可以在部分地點加入毫米波（mmWave）高速連接。
除咗iPhone上市，本星期令人興奮，仲有NASA 小行星人造衛星探測器OSIRIS-Rex抵達了目的地小行星Bennu，離地球約3.33億公里，光速要超過18分鐘到達。
2019年，OSIRIS-Rex經過2年航程，到達Bennu開始圍繞運轉，成為了人造衛星探測器入軌成功最小型星體。OSIRIS-Rex 速度減慢到被Bennu重力可「捕捉」軌道後入軌，今個星期OSIRIS-Rex終於降落Bennu採集樣本。初期科學家以為Bennu表面係沙礫，結果發現降落地點有大量碎石，Bennu誕生時太陽系頭1000萬年誕生，帶回宇宙45億年之前嘅秘密。