[電腦J手記] [防疫抗疫基金][遙距營商計畫 D-Biz]
電腦J手記
政府推出第二輪「防疫抗疫基金」，創新科技署推出「遙距營商計畫」D-Biz (Distance Business Programme) ，每天也紛紛收到分銷商不同推出相關計劃的電郵，看到眼花瞭亂。
據政府推出的資訊方案共分12種類別，涵蓋所有IT科技範疇，不過最高上限只係得30萬，竟然連Digital Twin都有。網上營商，建立自家平台，可能未必埋到單。
據「遙距營商計畫」平台的文件，今次遙距營商要有審計支援，據英文嘅指引，計畫要令企業疫情下持續業務及提供服務，所以「遙距營商」係第一個前提。
其次係「筆直合理」（Reasonableness），必須符合市價。每份計畫至少兩名供應商，價低都得，當然不能圍標，亦要市場價格。一般系統開發，似乎都係海鮮價，如何計算係合理，難上加難。
執行細節合理，則必須明確指出計畫交付及成本，考慮計畫複雜性。雖然話第12項有度身訂造／雲端支援業務支援，可包括ERP及RPA，不過6個月未必可交付，亦肯定超出上限。
究竟邊個先做到遙距營商呢? 唔同行業有唔同方法。不過潛台詞就唔可以太複雜，審批睇極唔明，唔知點先叫交付咗？咁就好難埋單。計畫亦要求有審計，講明要專業核數師，又係一筆開支。究竟破席有無成效，將來實物拍照甚至交付簽字，亦係核數師負責。
核數師係「抗衰退」行業，又一證明。申請寫薯仔文，又要一堆證明，然後貨比至少兩家，只批一千幾百，就補唔番條數。
雲端服務只能付6個月開銷，申請多數係固定開支。據生產力局網上會議，企業亦可申請買筆記電腦，平板亦可，不過配合方案，例如用嚟做視像會議，加埋6個月或1年費用。
各大分銷商早有凖確；按不完全統計，最多分銷商推銷視像會議，一定「遙距」，價錢在射程範圍，可內部通訊，亦可同客溝通，最易證明效益。
其他推銷包括保安方案，防火牆防毒軟件，即使係雲端亦一定用嘅保安，亦好容易過關。少於10萬元「筆直」的，原來可買一套VDI，支援10位用戶，叫價8萬，真係破天荒價格!