[電腦J手記][新冠肺炎] [復工復產]
電腦J手記
新冠肺炎Covid-19美國史無前例爆發，50個州進入緊急狀態。美國多點爆發，類似南達科他州（South Dakota），州長不願實行隔離政策，爆發仍然嚴重。
美國中部醫療系統負債累累，抗災能力極差。雖然紐約州等重災區減褪，中西部此起彼落， 5月重啟經濟機會甚微。
世衛表示，全球70種新冠病毒疫苗正研發，三種已在人體試驗。開發疫苗不確定性極多，測試數以月計，不是短期可見成果，為大批人接種疫苗，亦不是短期可完成。
迄今冠狀病毒均無疫苗；其次，疫苗效用非短時間內能下判斷。港大醫學院院長梁卓偉教授就警告，部分疫苗嘅效果，打進入體比未打前更差，咪太過相信疫苗研發，可即時打救世界。
美國如何重啟經濟，復工復產，已經係頭號挑戰。有估計持續封城，下月英國愈200萬人失業，美國更達10倍，約2000萬人失業。美國總統及州長們隔空罵戰，幾時可全國解封，難以預料。
一般而言，專業人士估計較為保守，政治人物為取悅選民，報喜不報憂，市場傾向相信正面消息，往往低估嚴重性，結果頻頻出現「黑天鵝」。
即使5月逐步解封社交距離，美國經濟不可能一下反彈；首先消費者信心難以恢復；疫症恐懼未除；美國係全球最大經濟體，服務業比重甚大，達GDP嘅77.4%。美國雖係科技大國，非所有員工遠程工作，反而類似瑞典等北歐細國，知識密集，一向有4成人在家工作，即使不封城，亦可控制疫情，又維持經濟局部運作。
即使復工，相信唔少企業嚴陣以待。英國政府研究向帶抗體康復者，頒發「免疫證書」 計畫，抗體檢測作復工條件、恢復正常活動活動，但專家持保留態度。據香港嘅經驗，武漢返港居民大多並無抗體（少於一成有抗體）。如果靠有抗體，可能最終少數人可返工，未必行得通。
歐美唔似中國內地咁，搞個手機「健康碼」，證明健康風險。即使中國復工，關卡之多，工廠每日申報，亦不勝其煩。
既然不能無限期封城，復工又怕感染；工作場所就只有做好防範工作，包括清潔消毒，隔離懷疑感染者。
近期本港唔少人體探熱方案，以AI提高凖確度；其一係中大人Rex Sham創辦，以專門探測山火嘅Insight Robotics，靠高質素紅外線鏡頭，加上AI人臉識別，對凖額頭探熱；據講Insight Robotics探測人數，比市面多出7倍，準確度偏差少於攝氏0.2度，一次過可探測篩查多名人士體溫。
中信國際電訊CPC亦利用紅外線鏡頭加上AI，開發人體體溫探測，可辨識出來訪者，是否有戴口罩，所以AI真係有用。
中信國際電訊CPC 體溫檢測，亦係為咗內地復工開發，中國政府要求企業每日呈交員工體溫檢測報告，訪客又要戴口罩，系統自動辨識身份，加埋體溫量度時間地點，每日自動上載報告。
據負責開發嘅技術及創新總裁Daniel Kwong話，系統省番不少人手。想要安全復工，亦要多啲創意。