電腦J手記
每時代有不同泡沫，科技亦不例外。創辦Vision Fund的孫正義投資阿里巴巴，點石成金，成為矽谷家傳戶曉的人物，最近亦備受困擾。
Softbank只投資在市場上公認成功企業，但負債亦相當驚人，綜合負債額高達1660億美元，擁有英國芯片設計商ARM。阿拉伯主權基金亦投資在孫正義Vision Fund，最出名投資包括WeWork及Uber，兩家先後陷入危機，管治出現問題。
WeWork爆出問題，Vision Fund基金管理層備受質疑，其他投資亦受質疑。究竟創新模式是否一切？管理能力是否次要？創新最重要係人，點子有幾好，缺乏執行力遠見，甚至缺乏誠言，最終一敗塗地。
除咗公司管治，技術嘅循環亦有時影響投資。蘋果教主Steve Job曾有名言，指唔iPhone支援Flash，絕非與Adobe有私人恩怨，係因Flash已盛極而衰，會被HTML 5取代。
呢啲公司如何持久創新，亦係錯綜複雜。 2016年，Softbank以320億美元收購ARM，ARM 低功耗及授權模式，未來可望在IoT和穿戴式市場獲益。近年RISC-V開源芯片，亦可擴展功能，加上低耗更低，市場迅速擴張，甚至可能取代ARM，會否此消彼長？抑或與ARM相輔相成？
近期，香港亦有人投入RISC-V芯片開發，可見機遇極大。國內亦唔少公司開始V開發RISC-商用IP，以降低RISC-V門檻。
目前，RISC-商用IP最大玩家SiFive，係RISC-V多位創辦人成立。另一家台灣廠商開發RISC-V架構，可數前年台灣上市晶心科技 （TWSE: 6533）2018年共簽定21份RISC-V IP授權合約，中國佔三分一，涵蓋多個應用領域，其中一半同AI有關。
NXP亦對RISC-V大力支持，推出VEGAboard及織女星開發板，Western Digital則開放3個RISC-V開源設計， Western Digital亦計畫取代正使用大量ARM處理器，推出SSD控制芯片，以前，Western Digital控制芯片由Marvell供貨ARM Cortex系列。去年，Western Digital公佈以 RISC-V處理器取代每年約10億顆ARM，未來轉用RISC-V。
ARM仍有強大生態，RISC-V則眾志成城，加上功耗更低（同樣屬於RISC處理器），負責小米手環嘅華米，就推出可穿戴領域RISC-V芯片「黃山一號」應用Amazfit 智能手錶2 ECG版上，今年再推出升級版芯片「黃山 1s」。
華米作為小米生態鏈，開發小米手環及Amazfit。黃山一號較ARM Cortex-M4功耗低38%，與SiFive合作，「黃山 1s」應用Amazfit運動手錶3，可完全在手錶上，以AI全天候監察心臟。
國內有一家叫芯來（NUCLEI）嘅初創，正開發RISC-V商用IP，創辦人胡振波係國內最早研究RISC-V，有超過8年處理器以及10年ASIC設計經驗，歷任Marvell及Synopsys ARC工程師，20年芯片經驗，開始與SiFive競爭，開發商用IP。
香港亦有RISC-V開發。RISC-V低功耗應用在IoT，最重要課題係是保安。
香港就有家Sengital，由中大工程學院博士林曉峰（Alan Lam）創辦，開發RISC-V開發保安功能IoT芯片「物聯網設備之安全RISC-V平台」，與城大張澤松（Ray Cheung）教授合作，芯片加入True Random Number Generator （TRNG）產生加密金鑰。
雖然話，RISC-V屬於開源，唔少公司正開發商用IP，以加快市場應用。華為已進入實體清單，唔能夠採購美國開發嘅RISC-V商用IP，但開源則不受影響，仍可從其他國家獲得商用IP。
ARM用戶轉用RISC-V有乜影響？難以估計。從面表研究，似乎對ARM唔係好事。