雖然第三次世界大戰未有打成，但WannaCrypt勒索軟件，已搞到世界大亂。不過，今次勒索軟件攻擊並沒有針對Windows 10，只要有下載3月份安全更新，已能防禦攻擊。咪記亦再次呼籲客户盡快升級Windows 10 ，記憶之中，今次可能係2000年ILoveYou以來，最大病毒爆發。各大電腦保安公司紛紛發聲明。今次針對Windows Server，其中咪記亦強調，已經3月份發布安全更新(security updates)，堵塞攻擊漏洞；啟用Windows Update部署Microsoft安全公告MS17-010；就可防止攻擊。
今次事件可說明，Patch Management對網絡防禦好重要。但一般公司唔加入安全更新，可能係因為軟件並無購買授權，又或者用過期不受廠商支援系統，甚至嫌麻煩。
WannaCrypt攻擊嘅SMBv1協定，已經有三十年歷史，舊到無朋友，咪記一直建議用戶停用（除非仍有XP或者Windows Server 2003需要連接）。雖然話咪記為XP同埋Windows Server 2003推出更新，但SMBv1非常不安全，再用遲早亦有問題。但今次攻擊仍然牽連廣闊，IT安全其實未受重視。
雖然話攻擊面廣，但據報黑客收穫有限，好少人肯付贖金。點解大家唔畀錢？原因可能係虛擬化之後，大部分系統備份恢復都相對簡單可靠，最多只係損失少部分資料。如果係咁，邊個有興趣送錢畀黑客，升級備份軟件好過！