貼近市場

電腦Ｊ手記

美國發動貿易戰，全球供應鏈出現斷裂及重組，經濟出現衰退，人民幣迅速下跌，其中一個影響，係中國不少開發入口替代，從2010年中國是以製造業GDP超越了美國，製造業佔去了經濟近3成，中國製造業開始升級轉型，中國在高端機器的製造業不斷升級，美國對於中國製造2025。

美國在高端製造業一向掌龍頭地位，光纖激光器係工業激光關鍵技術，但今年全球領導廠商IPG Photonics股價一路下跌，舊年跌一半，上月再跌了兩成。IPG Photonics是光纖激光器龍頭，IPG始創人俄國科學家Valentin Gapontsev係激光權威，一度係科技股王，入圍標準普爾500，一半銷售來自中國，不過現時股評並不予看好。

IPG下跌係因為國產光纖激光器「割喉式競爭」，國內最早研發銳科以本傷人，相當頭痛。低功率光纖激光器已有超過8成是國產貨；類似銳科廠商早就力推自主研發，係原本與IPG合作大族激光，迫不得已走上國產化。

光纖激光器市場正擴大；從打標、焊接、切割，製造業，通通要用激光。全球最大用家當然全在中國，大功率光纖激光器會成為激光加工未來，國產激光只在打標及微加工，大功率光纖則可進行金屬板材精密切割和焊接加工，係光纖激光器最大市場，可應用於高科技生產，包括汽車及飛機製造等，配合數碼生產系統，就可大大提高自動化，國內廠商有測試多千瓦級雷射器新的工藝技術。

上月，中美談判破局，人民幣急跌，對於IPG更不是好消息，結果中國工廠尋求替代方案更迫切。IPG老早就對中國山塞抱有戒心（可能係怕技術轉移），從來沒考慮在中國設廠，結果中國廠商通過自行研發，IPG仍然不能避免高端市場，逐步被中國廠商取代。IPG表示大功率光纖激光器會大幅削價。未來，唔少人認為IPG唯一出路，可能將生產線搬入內地，再降價與國內廠家決一死戰。

IPG問題係唔技術（以技術含量全球最高），而係價格太高，亦唔夠緊貼市場，一味只指中國廠商割價，實情係國產廠商接近市場，即使質量較次，通過緊密支援解決，加上國內經濟下滑，廠家退而求其次，結果更快採用國產。

所以，唔少高科技在華設廠或研發，亦係為接近市場，並且加快本地化產品，保持市場優勢。即使Google嘅Android，亦有唔少手機廠及技術夥伴在國內，類似深圳中科創達等，平台係眾人努力結果，並不是Google一家，就可建立全球手機平台。

所以，華為推出鴻蒙HarmonyOS，市場再度分裂，對於Google絕對係壞事，因為即使鴻蒙唔能夠在國際市場成功，中國仍然係全球最大手機製造國，大堆開發人員搞鴻蒙，Android生態系統元氣當然大傷，肯定在預期以內。

為咗接近生態系統，唔少IT公司進駐科學園及數碼港，IBM更加在建立實驗室，中國移動亦將5G實驗室搬入科學園，與園區內各家初創合作5G。最新有意進駐園區係HPE，據說Gabriel Leung已經與科學園區洽談租辦公室，HPE當然係要接近生態系統，向潛在客戶深度支援。

HPE嘅ProLiant系列仍然係最暢銷服務器，新系列Apollo則係工業級服務器，可支援AI，唔少園區公司從事AI及深度學習，正係HPE潛在內戶，所以進入園區可提供更深入支援。另一家提供AI硬件嘅NVIDIA，早已進入園區。

科學園有多家視覺學習，曾經進駐商湯、阿里及科學園共同成立嘅人工智能實驗室，可以使用大量算力，Gabriel緊貼市場，當然唔放過機會。