研究人工智能，華人學界有兩個X教授，其中之一是商湯XO Tang湯曉鷗，經常將自己個名，跟XO醬扯埋一齊；另一位係香港科大畢業嘅肖建雄，外號亦係Professor X，曾在普林斯頓大學任副教授，後來在美國創業，搞無人駕駛。
上星期，阿里巴巴Jumpstarter會展舉行，邀請唔少著名創業家出席，包括肖建雄，並介紹渠創辦嘅無人駕駛AutoX。
AutoX利用6個月時間，就建立無人駕駛，中國和美國都通過了無人駕駛的測試，正在路面作最後實驗。AutoX亦在美國聖荷西推出了無人送貨服務，利用APP就可以召喚無人駕駛送貨，亦係全球首部具溫度控制無人駕駛食物外賣，AutoX還會有多種雜貨供上門供消費者選擇。
2016年成立嘅AutoX，亦係最先提出以視覺運算加上AI，取代雷達技術。肖建雄研究視覺運算，取代高價的雷達感應器，再加埋較低價Lidar，以及其他感應技術輔助，令無人駕駛成本更低，更快實現。
AutoX以視覺運算為主，同本港商湯研究自動駕駛方向，不謀而合。不過，AutoX只用了6個月時間，以10分1成本，就建立咗無人駕駛，速度高得驚人，幾乎係平地一聲雷，國際上亦非常有名，亦曾在今年CES負責送食物飲品，相當威水。
AutoX開發L4無人駕駛，獲美國４個州發出執照試驗。AutoX中國區技術總監潘堅偉話，AutoX機械人送貨車亦已在中國落地，前方有兩個高解像鏡頭，車頂安裝一部16線Lidar（雷射雷達），下方新有一部單線Lidar，用於行人探測、障礙物探測（小目標探測）以及前方障礙探測，下方則為超聲波感應器。車內則有一部GPU。AutoX送貨機械人並不使用GPS，只使用從環境訓練出模型，執行自動駕駛。
今次Jumpstarter展出是收貨車，另外還有一部送貨車；內部有不同儲存格，供客人用APP取貨。AutoX時速約為20公里，可載重約50公斤，於園區內行駛。AutoX會利用一部駕駛車先作學習，送貨用內有用於「推論」（Interfence）嘅GPU。
AutoX已經跟國內「中通快遞」合作，送貨車在園區作業；AutoX機械人左閃右避開貨車，仲懂得繞道而行。潘堅偉話，目前深圳有20人團隊，美國團隊達80人。
較早前，AutoX亦會香港成立科研中心，並進駐科學園，無人送貨車亦會在科學園「行走」。潘堅偉話，AutoX亦與中國東風汽車，合作生產自動駕駛汽車。