世界杯經常有意外，最令人意外當然係德國敗於南韓一役；衛冕出戰俄羅斯世界盃嘅德國，淨吞南韓兩蛋，3戰3分出局，唔少捧德國球迷眼光光。
記得上屆德國捧盃之後，舉國歡騰。德國科技世界領先，當然唔少得講科技練兵。SAP就公佈，以HANA平台幫助分析比賽訓練、備戰及提昇表現。SAP利用從比賽所獲大量數據，作為針對性訓練及預備下一場比賽。SAP利用大數據及HANA實時分析數據能力，以制定下一場戰略。墨西哥以一球擊敗德國，已令人跌破眼鏡。
SAP在2014年德國取得世界盃後，推出SAP Sports One 產品後，向體育產業推銷科技練兵。此後，德國隊一直表現唔差，仲贏得2017年嘅國際足協洲際國家盃。但近期德國國家隊狀態轉差，表現不濟，似乎大數據亦救唔番。
雖然德國出局，但科技公司仍不忘宣傳新技術。
另一家數據分析公司SAS，亦宣稱AI幫助比利時國家隊贏波，以AI為「歐洲紅魔鬼」提供咗精球員、比賽及對手分析，比利時於世界盃8強，以2：1淘汰巴西，32年後，比利時再次打入世界盃4強，SAS可謂交足功課。
據報，比利時國家隊同埋荷蘭體育分析機構SciSports合作，以攝影機紀錄球員動作，透過SAS Viya數據分析平台，再加3D影像追蹤分析，配合埋AI及機器學習技術，分析球員跑動範圍、傳球準繩度、射門位置，然後制定比賽戰術，發揮球員最大潛力。據講SciSports，分析球員過億次傳球數據，並派出三名分析人員，並隨比利時隊出戰，為球隊即場提供賽前分析，可謂非常認真。
戰術是否比技術重要？下次世界盃足球評論，可能請科技公司分析吓。