科技行業製造唔少職位，最近創科亦提供唔少就業。剛收消息，華為前公關Fiona Cheuk就轉職到人工智慧獨角獸商湯；負責港台地區業務。咪記前公關 Alice Li則加盟AXA，擔任企業及客戶通訊主管，安排介紹AXA數碼化轉型過程，事關金融創新，保險公司就以Fintech幫助業務發展。
香港保險業監理處積極推動Fintech，除咗AXA，舊年富衛保險亦推流動平台簡化投保程序，減少法規遵從同埋文件要求，簡化財務需求分析(Financial Needs Analysis)索取資料時間。以軟件開發能力而言，富衛業內亦算領先。唔係間間保險公司，都靠自己開發。德國保險業巨人Allianz就宣佈，唔再以內部有機方式創新，改而以收購幾個唔同行業，投資創新企業，加快保險業務轉型。
財爺會廿月廿八日公佈預算案，賣地加上印花稅，又有大量盈餘，政府水浸之餘，當然投資未來。據講政府大力推動智慧城市及創科，新一代做創業，如今可謂最好時機。
本星期，香港投資推廣署年度大騷「Startmeup Festival」，今明兩日有2018 FINTECH FINALS，號稱本港最大Fintech會議。今日舉行Retail’s Cutting Edge，討論零售業技術及創新。明日亦有醫療技術會議，最後星期五係《Internet of Life》峰會，專門搞物聯網創初加速嘅Brinc及南豐屬下專門培育時裝、紡織科技初創公司嘅《南豐作坊》合辦，如果初創點改點未來生活有興趣，唔好錯過。
投資推廣署大力推動本地Fintech，又同英國國際貿易處合作，舉辦英國金融科技獎，吸引金融科技專材嚟香港，英國係全球金融最先進城市，高手如雲，香港金融快速創新，真係要靠外援。