今月最熱招股，可說係深圳希瑪林順潮眼科，明星效應下，新股吸引受大量認購申請，但希瑪無乜獨特，炒味甚濃。今年仍有少新股集資機會，所以香港交易所前景唔錯，問題係息口會唔會向上。
今年最令人期盼可能係小米上市。香港唔少米粉，恆隆集團嘅陳啟宗，家族基金晨興亦有投資小米，估值超過三千幾億港元，並可能成為首批同股不同權企業。小米以手機起家，後來拓展到多種不同產品，甚至智能燈、新股集資前，可能有唔少重要產品發佈，最近小米亦同Oculus開發VR套件，上市前應新聞多多。
應科院ASTRI任命周憲本行政總裁，接替今年中離任嘅湯復基博士，被滙豐挖角，出任「創新科技及策略投資環球」總監。湯博士本來係從中文大學借調，後來成為行政總裁，促成大學與ASTRI多項合作，前年滙豐與ASTRI成立研究開發創新實驗室，而舊年滙豐高層訪問ASTRI。ASTRI與中銀亦有合作，推出過以Blockchain技術物業估值。
新總裁周憲本亦係香港人，香港大學電機工程學系畢業，1993年移民加拿大；2001年共同創辦ViXS Systems，歷任副主席、首席營運總監和臨時主席兼行政總裁，舊年被收購。2016年底，周先生又共同創辦普匯資本 (Pool Global Partners)，專門投資人工智能、大數據、數碼醫療；擁有逾10項美國專利，既熟悉本地情況，又有國際視野。最近，本報舊同事Raymond Woo亦加入ASTRI，接待參觀團，講解ASTRI科技成就。
今年人工智能大熱，中文大學明日下午，亦响香港會議展覽中心舉行「機智過人」人工智能論壇2018，講者包括中大信息工程學系教授及商湯集團創辦人湯曉鷗教授，商湯係本港第一隻獨角獸，唔少全球著名產業都同商湯合作，中大亦有多位人工智能專家擔任講者，其中一位歐國威教授，係微創手術先驅，供同發明達芬奇單創口手術，只要一個小創口，機械臂和鏡頭進入體後。外科醫生可用電腦並觀察體內的3D高清影像，操控機械臂切割或縫合，手術後幾乎零疤痕；而歐教授亦正研究無創機械輔助手術；毋須任何創口，可鑽進人體天然孔道，到達目標器官，進一步減少外科手術創傷。