電腦 J手記
日本神劇半澤直樹播出，香港不少堺雅人粉絲，，近似話劇和日本歌舞伎（Kabuki）的跨張表達手法（近距離互相恫嚇及對話），以戲劇效果確係突出；不過台灣有人稱為「職場生存教戰神劇」，可謂傳神。
較早前，台灣人事顧問網站竟然公布「職場黑鍋與半澤指數調查」，高達60.6%的上班族透露，「曾經」為了主管或同事錯誤，遭卸責而「揹黑鍋」，所以職場人士收睇半澤，有身同感受，劇中對白，如「以牙還牙、加倍奉還」、「上司的過錯是下屬的責任」，「準時上班晚上加班」大家琅琅上口。但調查指選擇自保方法頭三名方式，則是靠電郵內容、簡訊、會議記錄。
本港各金融中心經過金融危機，已經有非常嚴格合規要求，其中最著名係美國2002年通過Sarbanes–Oxley法案，要求保留所有紀錄；包括電郵及通訊，所以類似伊佐山極速刪除電郵，現實上可能性較低。不過單憑電郵內容，能否從中追索責任？則可能半澤咁神勇，先有機會。
究竟香港「半澤指數」有幾高？有口痕友話，私人機構比較難講，政府內部可能較高，至於點解，就莫宰羊。
傳聞本港獨角獸商湯上市，不過詳細情況就未有。商湯體溫檢測機SenesThunder -E mini隨街可見，大家終於可實際見識一下，唔係只係講商湯在會議發表幾多篇論文。據講在日本售出萬幾兩萬部，可見功能上比其他優勝。
唔少人以為商湯係人臉識別專家，人臉識別有唔少廠家，包括依圖。商湯開發嘅視覺運算，亦包括擴增實境（Augmented reality，AR），最近同一位商湯工程師傾起，商湯AR已經落地應用，好快在日常生活見到。
唔少商場都有指示牌，靜態指示已經過時，利用AR可手機即時顯示更多資訊。不過製作立體AR，過程不簡單，立體照片訓練成AI模型，再加上動畫甚至卡通人物指路。
商湯使用特殊3D相機，類似製作Google Street View，拍攝現環境後自動粘合，就可製作AR效果，加入網上資訊或者用於尋路，據聞正在科學園製作，以後搵租戶或泊車，可能用部手機，都好似有真人帶路，唔駛四圍問人。