電腦J手記
西諺有云，「麵包永遠都是塗上牛油那一面掉到地上」（Bread always falls on the buttered side），果然十不離九。
美國有線電視新聞網（CNN）終於改稱今次新冠病毒為「大流行」（Pandemic），不少分析也愈來愈悲觀，即使世衛拒絕以「大流行」形容疫情，原因似乎要各國不要放棄。
因為一旦定義「大流行」，就意味大部分人，都會染上後產生抗體才停止疫情。即使Bill Gates，亦形容今次病毒看來似是「百年一遇」，Covid-19病毒相當狡猾，感染者未出現病癥，就開始傳染他人，唯一手段，就係進行檢測，快速隔離疑似和高危患者。
世衛的潛台詞，指「大流行」仍可避免，並指中國以大量隔離和快速檢測，甚至隔離整個武漢，迅速令疫情減慢，甚至完全停止擴散。
意大利亦隔離超過6000萬人口，停止所有公眾活動，包括球賽。意大利醫療系統發達，公共醫療保障完善，全國免費醫療，更快速掌握病患人數。不過，一旦遇上大量感染，整個醫療系統，就會陷於癱瘓，情況正如武漢，不能令患病人數不斷上升。如果意大利隔離證明奏效，最終唔少疫症國家，可能都會步中國後塵，採取隔離策略。
中國以大幅隔離，疫症大幅回落，世衛以中國為鑑，各國有機會紛紛效尤。香港上網覆蓋率發達，影響尚算較少。除咗可以在家工作、上課，亦可網購，甚至投保及預約應診。今次疫情令不少商業，認識數碼轉型嘅重要性，香港寬頻就宣布為全港鐵路站零售商，可以安裝點對點光纖連接，有利以後O2O運作。
香港學生及學校於停課期間，仍可持續學習，唔少以Zoom上課，頻寬需求大增，唔少歐洲國家仍無光纖網絡，一旦實施咗隔離，要維持正常運作，可能只有靠流動網絡。
據數碼港初創grwth 創辦人陳駿霖就話，雖然學校停學不停課，可以利用grwth等平台繼續溝通上課，不過原來唔少學童家中，無經濟能力負擔上網，SmarTone嘅「自由鳥」透過社企教育平台「EdFuture」，停課期間免費贊助包含本地流動數據服務及話音服務嘅「自由鳥SIM卡」予中小學有需要嘅學生，SmarTone宣布聯同賽馬會，透過香港青年協會及香港小童群益會，向基層中小學生贊助流動數據服務。Adam話本港仍有多家營運商陸續贊助有關活動，香港學生好幸運。
講起馬會，疫情後關閉場外投注站和電話投注，唔少馬迷第一次網上投注。數碼港擁有全港最多網上企業，包括第一家虛擬保險Bowtie，創辦人顏耀輝Fred 話，唔少人終於第一次網上投保。
數碼港孖屐亭Billy Ng就話，今年4月份，數碼港Career Fair 亦會網上舉辦，唔少人到今年4月，就可能經歷人生第一次網上招聘會。